Богд хан уулынхаа оргилд гарахыг хүсч байна уу?

Явган аялал гэдэг аливаа аялалын бусад төрлөөс хамгийн сайхан нь байдаг. Өнөөдөр хоол хүнс, майхан сав ачсан хүнд цүнх үүрээд та алхахаас халширч байгаа биз дээ. Үгүй дээ тэгэх шаардлага байхгүй. Хамгийн сайхан аялал бол явган аялал байдаг гэдгийг та биеэрээ мэдэрч байж л мэдрэх болно шүү. Өдөржин гангар гунгар хийн алхаж ирээд орой түүдэг гал дээр хээрийн цай уугаад гал наадам хийж тэнгэрийн ододыг эрүүл агаарт хараад хэвтэх шиг сайхан зүйлийг та явахгүй л бол хэзээ ч мэдрэхгүй ээ. Үзье гэсэнээ үзэж чаддаг, харъя гэсэнээ ханаталаа харж чаддаг, хамгийн их зүйлийг мэдэрдэг, хамгийн сайхан кайф-г авдаг аялал бол Явган аялал байдаг юм шүү. Явах цаг боллоо залуусаа.... Цүнхээ үүрээд алхцагаая.
Хүлээгээрээ таны цүнхэнд юу юу байх ёстой вэ?
Алхаад явхад биед амар Биеийн тамирын хувцас болон нэг өдрийн аялалыг даах аялалын гутал юмуу пүүзэн гутал байхад болно. Гэхдээ тэрний дотор өмсдөг юмнуудаа өмсөөрөй хэ хэ.
1. Аяны хөнжил-1ш
2. Дулаахан ноосон цамц эсвэл куртик /зуны улирал болохоор бороо орж магадгүй шүү дээ/-1ш
3. Өмд-1ш / нэг илүү өмд байхад илүүдэхгүй шүү/
4. Цайны аяга-1ш
5. Хоолны аяга-1ш /гэхдээ нийлүүлээд нэг томхон аяга байсан ч болно ш дээ/
6. Халбага-1ш
7. Жижиг чинжаал хутга-1ш /Нэг өдрийн аялал болохоор энэ нээх хэрэг болохгүй ээ. Багаараа ярьж байгаад Нэг хүн нь хутга авчирахад болно/
8. Оймс - 2ш /Оймс бол ядаж нэг ээлжийнх заавал байх ёстой юм шүү/
9. Углааш-1ш / шаардлагагүй гэвэл авч явах шаардлагагүй ээ. Хаашдаа л явж байгаа юм чинь амралтыг бас зохицуулж явах хэрэгтэй тийм болохоор орой буудаллаад гутлаа тайлаад углааш өмсвөл хөл чинь амрана шүү дээ./
10. Мэдээж цүнх
11. Кармааны мөнгө
Энэ бол хувь хүний бэлдэх ёстой зүйл шүү. Харин багаараа:
1. Майхан
2. Тогоо
3. Хоолны халбага
4. Маршрут гаргасан зураг
5. Хоол хүнс
6. Нэгдсэн журмаар Дархан цаазат газар нэвтрэх хураамж болон унааны мөнгө
Амжилт хүсье залуусаа. Тэнгэрлэг байгаарай.